गावाचा सर्वांगीण विकास हेच उद्दिष्ट ठेवून विविध शासकीय योजना व उपक्रम गावात प्रभावीपणे राबवले जात आहेत. शासनाच्या पुढाकाराने व ग्रामस्थांच्या सहकार्याने गावात आता विकासाचे सकारात्मक चित्र पाहायला मिळते.

गावात अनेक महिला बचत गट स्थापन झाले असून त्या विविध उपक्रमांमधून स्वयंरोजगार आणि आर्थिक सक्षमीकरणाच्या दिशेने वाटचाल करत आहेत. काही गट व्यवसायात देखील उतरले आहेत.

युवक मंडळामार्फत कबड्डी, खो-खो, क्रिकेट अशा क्रीडा स्पर्धा घेतल्या जातात. यातून तरुणांचा शारीरिक विकास आणि संघभावना वाढते. क्रीडेमुळे गावात उत्साहाचे वातावरण निर्माण होते.

शाळेत विज्ञान मेळावे, निबंध स्पर्धा, चित्रकला स्पर्धा व वाचन संस्कार उपक्रम होतात. विद्यार्थ्यांचा आत्मविश्वास वाढवण्यासाठी मार्गदर्शन वर्ग व स्पर्धा परीक्षा तयारी केली जाते.

गावातील लहान मुलांसाठी पोषण आहार, लसीकरण आणि प्राथमिक शिक्षण देण्यासाठी आंगणवाड्या प्रभावीपणे कार्यरत आहेत. माता बाल आरोग्य सुधारण्यात याचा मोठा वाटा आहे.

शाळांमध्ये गोवर-रुबेला लसीकरण मोहीम यशस्वीरीत्या पार पडली. तसेच आरोग्य विभागाच्या माध्यमातून नेहमीच तपासणी शिबिरे घेतली जातात.

शैक्षणिक आणि आरोग्य जनजागृतीसाठी गावात विविध शिबिरे, कार्यशाळा आणि मार्गदर्शन सत्रांचे आयोजन वारंवार केले जाते.

गुढीपाडवा, होळी, पोळा, मकरसंक्रांती, दिवाळी, दसरा हे सण गावकरी एकत्र येऊन साजरे करतात. या सणांमुळे गावात एकोपा आणि सौहार्दाचे वातावरण तयार होते. प्रत्येक सणात पारंपरिक खेळ, गाणी, भजने यांची रेलचेल असते.